Hvað er í gangi? borgarafundur á morgun! allir að mæta!

Það skiptir ekki lengur máli hvaða skoðanir þú hefur, allt of lengi hefur hugsandi fólk verið sundrað vegna "skoðana" sinna. Á endanum er það aðeins ein skoðun sem skiptir máli.

Hlutirnir eru brenglaðir á þessari plánetu.

Sama hvers vegna þér finnst það eða hvaða rökstuðning þú hefur fyrir því, þá erum við á sömu braut og það hjálpar engum að rífast um innbyrðis skilgreiningar á því hvað það er sem er brenglað. Rífumst um það þegar við erum búin að stöðva þá sem bera ábyrgð á þessari brenglun!

Þessi samkoma er neyðarfundur þeirra sem ætla ekki að vera aðgerðalausir á þessum afdrifaríku tímum. Eitthvað þarf að gerast og nú er kominn tími til að Íslendingar snúi bökum saman og beiti sér fyrir friðsamlegum mótmælum til að grípa í taumana áður en við verðum endanlega þrælar skulda. Skulda af peningum sem við sáum aldrei!  Íslendingar skulda víst 25 milljónir á mann, ég veit ekki með þig en slíkri fjárhæð hef ég aldrei komið nálægt á allri minni ævi! Hvernig get ég skuldað einhverjum hana?

Það er alltof auðvelt að "chilla" bara og vona að þetta reddist. Reddum þessu fyrst og chillum síðan!

Allir sem hafa áhuga á að taka þátt í umræðum um hvað sé hægt að gera til að takast á við ástandið eru meira en velkomnir á þennan fund, og takið þá með ykkur sem þið vitið að þrá breytingar líka! Ísland er nógu lítið til að hópur af hugrökku fólki með hugsjónir geti breytt stefnu allrar þjóðarinnar.

Mætið og verum bjartsýn, því það er alveg satt... þetta reddast! við þurfum bara að nenna að redda því. Þá er það ekkert mál.

Kaffi Hljómalind, laugardagur 11.október klukkan 4.

Lífverðir gæta Geirs

Athugasemdir

[Guðjón Heiðar Valgarðsson, 10.10.2008 kl. 18:36]

Takk fyrir það, það er frábært að heyra og auðvitað veit ég að þú ert bandamaður!

Ég treysti á að þarna verði margir, sumir í anda og aðrir í efni :)